PUISI KATROX

KATHOKKE’ WONG KATROX

(Celananya orang Desa)

Kelingan jaman mbiyen,naliko awakku isih bocah.

Ati seneng ora nate kroso susah,

dino-dino kroso ayem lan sarwo endah

Saben esuk aku tangi lan adus neng kali

Sarapan sego jagung lawuh terasi

Budhal sekolah karo nggowo kendhi

Ngirim sego kanggo bapak sing mancing neng kali

Liwat sawah sing ombo lan subur dalanku

Turut galengan cilik anggonku mlaku

Budhal kesusu karo mlayu-mlayu

Sikil nyeker ora nganggo sepatu

Tekan sekolah aku terus lungguh

Neng bangku kayu sing wis arep rubuh

Kayune rayapen amargo umure wis sepuh

Koyo pesawat sing lagi ditembaki musuh

Jam setengah wolu guruku lagi mlebu

Ngulang Pancasila sebagai dasar negaraku

Pedoman hidup kanggo negoro lan bongsoku

Supoyo makmur lan adil rakyatku

Jam setengah siji aku mulih sekolah

Mlayu neng halaman karo ngguyu bungah

Golek pari lan dele sing wis kutah

Nyemplung kedokkan ono ing tengahe sawah

Ora kroso sak iki wis jam telu sore

Wis wayahe aku mulih nggolekki mbokke

Nyetor asil anggone gresek pari lan dele

Supoyo sesuk iso di goreng lan dipangan rame-rame